Элгээ хайрлах нь эрүүл мэндээ хайрлаж буй хэрэг

          Элэг эрүүл байвал хүний биеийн бүх эрхтэн эрүүл байх магадлал өндөр байдаг аж. Иймд элгэндээ хэт ачаалал, хүндрэл өгөхөөс аль болох зайлсхийж, эрүүл зөв хэв маягийн амьдралыг баримталж сурах хэрэгтэй.
Элэг өвчилсний шинж:
Буруу зуршлууд, амьдралын хэмнэл алдагдах нь элгэнд янз бүрийн шинж тэмдгээр илэрч болно.
Жишээ нь:

• шалтгаангүй ядарч, сульдах
• аюулхай дээр цанхайх
• баруун хавирганы доогуур өвдөх
• нүүрний салст, тагнай шарлах
• царай харлах
• шээс өтгөрөх гэх мэтийн шинж тэмдгийн нэг нь ч бай илэрсэн бол эмчид даруй хандаарай.

Элгэнд харш зүйл:

• Хэрэв та шарлаж байсан бол архи, спиртийн төрлийн ундааг хэрэглэхгүй байвал зохистой. Өндөр градустай архи уух нь элгэнд муу нөлөөтэй
• Ханиад томуу, вируст ханиаднаас болгоомжил. Учир нь эдгээр нь элгийг гэмтээдэг байна.
• Антибиотикийн замбараагүй хэрэглээ элгэнд сөрөг нөлөөтэй. Ялангуяа парацетамол, жирэмслэхээс хамгаалах бэлдмэл сэтгэцэнд нөлөөлдөг болон нойрсуулах эмнүүд элгэнд харш. Эдгээр нь элэгний циррозыг үүсгэх боломжтой.
• 
  

Бяслагны страта хийх жор

         Пиццанаас дутахааргүй амттай, өег, олон хүнд хүртээмжтэй бяслагны стратаг ердөө л 15 минутын дотор бэлдэнэ.
         Найрлага:

• 6 аяга, 1 инчийн өргөнтэй куб дөрвөлжин хэрчсэн цагаан талх
• 2 аяга, хагас хэрчсэн брокли
• 1 аяга, хагас хэрчсэн хиам
• 1/2 аяга даршилсан улаан чинжүү
• 4 ширхэг ногоон сонгино
• 1 аяга үрсэн бяслаг
• 6 том өндөг
• 2 аяга сүү
• 1/4 цайны халбага перец

          Хийх арга:
1. Шарах шүүгээг 190 градус орчимд халаана. Шарах шүүгээний гүн тэвшийг тослоод дээр нь дөрвөлжилж хэрчсэн талхныхаа талыг тарааж тавина. Дээр нь брокли, хиам, улаан чинжүү, сонгино, бяслагныхаа талыг мөн адил тараана. Энэ хоёр давхарааг дахин давтаж тавина.
2. Өндөг, сүү, гич, перецээ нэг дор хийж сайтар хутгаад, түрүүнд нь тарааж тавьсан стратан дээрээ нийтэд нь асгана.
3. Дээгүүр нь мөнгөлөг цаасаар бүтээлгүйгээр 50-60 минут, хөөж алтлаг өнгөтэй болтол нь жигнэнэ. Олгохоос өмнө 5 минут хөргөөд, хүссэн хэмжээгээр зүсэж таваглана.

Зорилготой хүн хичнээн бартаатай замаар явсан ч ажил нь бүтдэг, зорилгогүй хүн хичнээн дардан замаар явсан ч ажил нь бүтэхгүй

          Монголын шилдэг зөн билэгч, "Монгол аура" төвийн тэргүүн Б. Сарандаваагийн 2011 оны 11-р сарын тэргүүн сонинд гарсан зөвлөгөө.

          

          Энэ удаад ажил үйлсээ хэрхэн бүтээх вэ гэсэн зөвлөгөөг хүргэе. Та бүхэн болж өгвөл Туул голынхоо уснаас авч аягандаа хийгээд дараа нь чулуугаа хийж хонуулаарай. Тэгвэл санасан зорьсон ажил чинь бүтнэ. Гэхдээ өөрийнхөө хэр хэмжээнд таарсан зүйлийг хүсэх хэрэгтэй. Хэрээс хэтэрсэн зүйл хүсэх хэрэггүй. Хамгийн эхлээд цаасан дээрээ зургаа наана. "Дорж овогтой Туул би 1973 оны 2-р сарын 27-ний өдөр төрсөн. 2011 оны 10-р сарын 30-ний өдөр 10 000 доллараар "Тоёота Рав - 4 машин авна" гэх жишээтэй бичнэ. Хүслээ бичихдээ 20 мянгатын дэвсгэртийн хэмжээтэй цаасан дээр бич. Тэгээд хүсч буй зүйлийнхээ зургийг зурна. Тухайлбал, машин авах гэж байгаа бол машиныхаа эмблемийг зур. 

Олон арга /Болсон явдал/

          Английн хааны академийн гишүүн, физикийн салбарын Нобелийн шагналт Эрнест Резерфордод нэгэн их сургуулийн багш тусламж хүсэн хандав.

          Багш эр нэг оюутандаа физикээр хамгийн доод дүн тавих гэтэл нөгөөх нь хамгийн дээд дүн авах ёстой гээд тас зөрөөд байж л дээ. Багш, оюутан хоёр хэн хэнийх нь талд орохгүй, нэр хүндтэй гурав дахь хүний үгийг дагана гэж тохирч. Тэгээд алдарт физикч Резерфордыг сонгосон байна. Шалгалтын асуулт нь "Агаарын даралт хэмжигч багаж буюу барометрийн тусламжтайгаар байшингийн өндрийг хэрхэн хэмжих вэ?" гэсэн байж.

Залуу мэргэжилтэн /Болсон явдал/

          Өнгөрсөн зууны гучаад оны үеэр Японы нэгэн компани АНУ-аас үйлдвэрийн том суурь машин худалдан авч л дээ. Тэгтэл сарын дараа япончууд "Суурь машин чинь ажиллахгүй байна. Тохиргоо хийх хүн явуул" гэсэн цахилгаан явуулж. Суурь машин үйлдвэрлэгч нь мэргэжилтнээ явуултал хэд хоногийн дараа "Тохиргоо хийх хүн чинь насаар дэндүү залуу юм байна. Арай илүү туршлагатай хүн явуул" гэсэн цахилгааныг Япончууд явуулжээ. Хариуд нь америкчууд "Наад залуугаараа тохиргоо хийлгүүлсэн нь дээр шүү. Яагаад гэвэл наад суурь машиныг чинь зохион бүтээсэн хүн нь байгаа юм" гэсэн хариу цахилгаан явуулав. Насаар залуу л бол туршлагагүй, чадваргүй гэж голохын хэрэггүй байх.

Наггетс

ОРЦ:
Тахианы цул мах, өндөг, нунтаглан хатааж шарсан талх, карри ба хмели снели амтлагч, нунтаг хар перец, давс, ургамалын тос.

ХИЙХ АРГА:
Тахианы цул махыг 3*4 хэмжээтэй болгон хэрчинэ. Өөрийн амтанд тохируулан амтлагчаа нэмж, перец, давс хийгээд сайтар хутгана.
Дараа нь 20-30 минут амт ортол байлгана.
Эхлээд өндгөнд дүрээд, дараа нь нунтаглан хатааж шарсан талханд дүрнэ. Хүсвэл ахиад өндгөнд дүрээд ахин хатааж шарсан талханд өнхрүүлнэ.
Ургамалын тосонд, дунд зэргийн гал дээр хоёр талаас нь улаан хүрэн өнгөтэй болтол шарна.

Архаг ядаргаанд оруулдаг долоон зүйл

          Маш хэцүү, ачаалалтай, дарамттай ажил хийдэг хүмүүс л архаг ядарганд ордог гэдэг. Уг нь бол тийм биш. Гэтэл гэрийн эзэгтэй нар, гэртээ зурагт үзэхээс өөр ажил хийдэггүй хүмүүс, хөнгөн ч гэлээ нэгэн хэвийн ажил хийдэг хүмүүс бас л архаг ядаргаанд орчихсоэ байдаг шүү дээ.

           Гадаад орчноос ирж байгаа өдөөлт, түүнд өгдөг бие махбоди ба сэтгэл санааны хариу хоорондын тэнцвэр алдагдахад ийм байдал үүсдэг ажээ. Стресс нь хүний амьдралд заавал тодорхой хэмжээгээр байж байх ёстой. Дунд зэргийн стресс нь хүнийг ухаан санаа, дотоод нөөц хүчээ дайчлан гадаад орчны таагүй зүйлд бүрэн дүүрэн хариулт өгөх боломжтой болгож байдаг. Гэтэл гадаад орчин ба хүний дотоод ертөнц хоорондын харьцааны тэнцвэр алдагдахад архаг ядаргаа үүснэ. Жишээлэхэд, мэдлэг чадвар өндөр эмэгтэй тэр их мэдлэг чадвараа ашиглахын оронд өдөржин гэртээ аахар шаахар зүйлтэй зууралдаж өнгөрөөдөг бол аяндаа архаг ядаргаа үүсэх нөхцөл бүрдэнэ. Эсвэл бие, чадвар дундаж байтал ажлынх нь ачаалал маш өндөр бол яваандаа архаг ядаргааны хам шинж бий болно. Дараах долоон зүйл хүнийг архаг ядаргаанд оруулдаг байна. 

Менежер ба программист хоёр

          Агаарын бөмбөлгөөр аялж явсан нэг хүн төөрсөн байна гэдгээ ойлгожээ. Тэгээд баримжаа авахаар бөмбөлгөө доошлуулан нисч яваад өөр нэг хүн явааг олж харав. Тэгээд ахиад доошилж байгаад нөгөө хүнээс ингэж асуув гэнэ.

- Уучлаарай та надад туслахгүй юу? Би найзтайгаа цагийн өмнө уулзахаар болзсон юм л даа. Гэтэл одоо хаана байгаагаа мэдэхээ больчихлоо.

- Та газрын гадаргаас арван тохой өндөрт, умард өргөрөгийн 40 ба 41 градусын хооронд, өрнөд уртрагийн 59 ба 60 градусын хооронд байна даа гэж гэнэ.

- Өөрөө янз нь программист хүн бололтой.

- Тийм ээ. Та яаж мэдэв?

- Та надад яг зөв хариулт өгсөн ч наад мэдээллийн чинь дагуу яаж баримжаалахаа би ер нь төсөөлөхгүй юм. Тэгэхээр ний нуугүй хэлэхэд та надад ямар ч тус болсонгүй.

- Тэгвэл та менежер бололто юм тийм үү?

- Тийм ээ. Та яаж мэдэв?

- Та хаана байгаа, хаашаа явж байгаагаа мэдэхгүй юм. Та дээшээ агаарын хүчээр гарсан. Тэгээд яаж биелүүлэхээ мэдэхгүй амлалтыг өгчихөөд танаас доогуур байгаа хүмүүс асуудлыг чинь шийдэж өгнө гээд хүлээж байна. Эцэст нь гэж хэлэхэд та надтай уулзахаас өмнө байсан яг л тэр байдалтайгаа байгаа атал одоо яагаад ч юм би түүнд чинь буруутай болж таарлаа.

Үнэн сүсэг бишрэлийн тухай өгүүллэг

          Нэгэн нутагт их гантай зун болжээ. Жижигхэн тосгоны тариачид ургацандаа ихэд санаа зовно. Тэгээд нэгэн өдөр бүгд цугларч байгаад ламтанд хандан зөвлөгөө хүсчээ.
- Ламтан минь бид ямар нэг зүйл хийхгүй бол ургацаа алдах нь.
- Та нар үнэнхүү чин сүсгээр залбирах гэсэн ганцхан зүйл л хийх хэрэгтэй. Чин сүсэг бишрэлгүй залбирал гэдэг залбирал биш байдаг юм. Залбирал гэдэг зүрх сэтгэлээс гарах ёстой.
          Дараагийн долоо хоногийн турш тариачид өдөрт гурван удаа цугларан бурханаас бороо хүсэн залбиран мөргөж гэнэ. Гэвч бороо ороогүй болохоор бүгд ахиад л ламтныд иржээ.
- Ламтан минь нэг л болдоггүй ээ. Бид өдөр болгон хамт цуглаж байгаад мөргөж залбирах атал бороо ордоггүй.
- Та нар үнэхээр чин сүсэг бишрэлээр залбирсан уу? гэж ламтанг асуухад бүгд л үнэхээр чин сүсэг бишрэлээр залбирсан гэцгээж. Гэтэл ламтан хариуд нь:
- Та нар ямар ч сүсэг бишрэлгүй мөргөсөн гэдгийг чинь би хараад л мэдсэн. Яагаад вэ гэвэл ийш ирж явахдаа борооноос хамгаалах шүхэр барьж ирсэн нэг ч хүн та нарын дотор алга гэж хариулжээ.

Хэвлий дэхь үрдээ нарыг мэдрүүл

          Нэгэн нутагт амьдардаг алдартай мэргэн дээр эхнэр нөхөр хоёр иржээ.

- Мэргэн хүн гуай танаас гуйх нэг хүсэлт байна гэж эхнэр нь хэлжээ. "Бид хоёр зургаагийн зургаан хүүхэдтэй. Гэтэл би саяхан хөл хүнд болсон гэдгээ мэдлээ. Одоо ахиад нэг хүүхэдтэй болбол тэжээж чадахгүй. Тэгээд би үр хөндүүлэх гэсэн юм. Та бид хоёрт адис хүртээн үүнийг маань зөвшөөрөөч".

- Үнэхээр амаргүй байдалд оржээ гэж мэргэн хүн хариулж. Тэгээд цааш нь "за яахав, үнэхээр хэцүү байгаа бол би та хоёрт хүүхдээ алахыг чинь зөвшөөрөн адислая. Гэхдээ энэ жил арван зургаа хүрч байгаа том охиноо ална шүү. Бас ч гэж хорвоо дээр хангалттай амьдраад юухан хээхэн үзэж мэдчихсэн хүн. Харин нарны гэрлийг ганц ч удаа хараагүй хэвлийд чинь байгаа өчүүхэн жижиг тэр хүүхдэдээ ядаж нар гэж ийм юм байдаг гэдгийг харуулсан нь шударга болно" гэжээ.